ርዕስ VI:- የዜጎች መብቶች ህግ

የሲያትል ከተማ የሲቪል መብቶች ህግ ርዕስ VIን ትከተላለች። ይህ ህግ እርስዎን በዘር፣ በቀለም፣ ወይም በብሄራዊ ማንነት ላይ የተመሠረተ በከተማ ፕሮግራሞች ውስጥ፣ በአገልግሎቶች ወይም የፌደራል የድጋፍ ገንዘብ በሚያስገኙ እንቅስቃሴዎች ውስጥ ከሚያደርስ መድልዎ ይጠብቅዎታል። 

የኛ ቁርጠኝነት

እኛ ሁሉም ሰው በፍትሃዊ አሰራር እና በእኩልነት እንዲስተናገድ ለማድረግ ቆርጠን ተነስተናል። የሲያትል ከተማ በአካል ጉዳተኝነት፣ ጾታ፣ ዕድሜ፣ ጾታዊ ዝንባሌ፣ የፆታ ማንነት፣ የኢሚግሬሽን ሁኔታ፣ የእርግዝና ውጤቶች፣ ሃይማኖት ወይም እምነት፣ ትውልድ ቆጠራ፣ መደብ፣ የጦር ሜዳ አገልግሎት፣ ወይም ወታደራዊ አቋም፣ በአደባባይ ጡት ማጥባትን፣ በሕዝብ ቦታዎች የአገልግሎት እንስሳ መጠቀም ላይ በመመስረት በማንኛቸውም የከተማ ፕሮግራም፣ አገልግሎት፣ መገልገያዎች፣ እና ኮንትራቶች አድልዎ ማድረግን ይከለክላል። 

እርስዎን መድልዎ ካጋጠመ

መድልዎ ደርሶብኛል ብለው ካሰቡ ከእኛ ጋር ቅሬታ ማቅረብ ይችላሉ። እንዴት እንደሚያስገቡ እነሆ:-

• በመስመር ላይ:- ቅሬታ ያቅርቡ
• ስልክ: (206) 684-4500 ወይም በቴሌ መጻፊያ (TTY): 7-1-1 
• ኢሜይል:- discrimination@seattle.gov

ስለ የአካል ጉዳተኝነት መድልዎ ቅሬታዎች ወይም ስለ አሜሪካን የአካል ጉዳተኝነት (ADA) መስተንግዶዎች ለመጠየቅ የ ADA አስተባባሪዎችን ያነጋግሩ:-  

• ኢሜይል:- adacoordinator@seattle.gov
• ስልክ:- (206) 684-2489 ወይም TTY፡- 7-1-1 

እኛ ለመርዳት እዚህ አለን። ስለ ከተማዋ ፀረ አድልዎ ህጎች እና የርዕስ VI አንቀጽ ማክበርን በተመለከተ ለበለጠ መረጃ የሲያትል የሲቪል መብቶች ጽሕፈት ቤትን ያነጋግሩ። እኛ የትርጉም እና የማስተርጐም አገልግሎቶችን በነጻ እናቀርባለን። 

ርዕስ VI የቅሬታ ሂደት

የሲያትል ከተማ በእርስዎ ዘር፣ ቀለም፣ በብሔራዊ ማንነትዎ ምክንያት አድልዎ የተፈጸመብዎ ሆኖ ከተሰማዎት የሚከተሉትን እርምጃዎች በመከተል ለሲያትል የሲቪል መብቶች ጽሕፈት ቤት (SOCR) ቅሬታ ማቅረብ ይችላሉ:-  

እርምጃ 1:- እኛን ያግኙ

እዚህ በመስመር ላይ ቅሬታ ማቅረብ ይችላሉ፣ ወይም በ (206) 684-4500፣ TTY:- 7-1-1 ይደውሉልን። ያስታውሱ፣ ቅሬታዎች ክስተቱ በተፈጠረ በ180 ቀናት ውስጥ መቅረብ አለባቸው።

እርምጃ 2፡- እንነጋገር

ስለ ሁኔታዎ ለመነጋገር ጊዜ ቀጠሮ እናዘጋጃለን እና ለርዕስ VI ቅሬታ ማቅረብ በቂ መረጃ እንዳለ እናያለን።  

እርምጃ 3፡- ቅሬታውን ማቅረብ

በቂ መረጃ ያለ ከሆነ፣ እርስዎ እንዲፈርሙበት መደበኛ ቅሬታውን እንዲጽፉ እናግዝዎታለን። ከዚያም የሚመለከተውን የሲያትል ከተማ መምሪያ ስለ ቅሬታው እናሳውቃለን።

ግንባታን፣ ጥገናን፣ የጐዳናዎች እንዳሉ እንዲቆዩ ማድረግን፣ የእግረኛ መንገዶችን፣ አውራ ጐዳናዎችን፣ ወይም ድልድዮች እና ከመሬት በታች መተላለፊያዎችን የሚመለከቱ ጉዳዮች በፌዴራል የአውራ ጐዳናዎች አስተዳደር ይገመገማሉ።

እርምጃ 4፡- ቅድመ መፍትሄ

እርስዎ እና የሲያትል ከተማ መምሪያ ቅሬታውን በመወያየት በቅድሚያ ለመፍታት/ ተቀዳሚ መፍትሄ መሻት ላይ የመሳተፍ እድል ይኖራችኋል። ተቀዳሚ መፍትሄ መሻት በሁሉም ወገኖች የፈቃደኝነት ተሳትፎ ያስፈልገዋል።

እርምጃ 5፡- ምርመራ  

ተቀዳሚ መፍትሄ መሻት እርምጃ የሚሠራ ካልሆነ፣ አንድ መርማሪ ቅሬታው በቀረበ በ100 ቀናት ውስጥ መረጃ ይሰበስባል፣ ቃለ መጠይቆች ያደርጋል፣ እና እውነታዎቹን ይገመግማቸዋል።

እርምጃ 6፡- ውሳኔ  

የርዕስ VI ጥሰትን ለማሳየት ሲያትል የሲቪል መብቶች ጽሕፈት ቤት (SOCR) በቂ ማስረጃ ካለ ይወስናል።

ግንባታን፣ ጥገናን፣ የጐዳናዎች እንዳሉ እንዲቆዩ ማድረግን፣ የእግረኛ መንገዶችን፣ አውራ ጐዳናዎችን፣ ወይም ድልድዮች እና ከመሬት በታች መተላለፊያዎችን የሚመለከቱ ምርመራዎች በፌዴራል የአውራ ጐዳናዎች አስተዳደር ይገመገማሉ። እንዲሁም የርዕስ VI ቅሬታን በቀጥታ ለአሜሪካ መጓጓዣ መምሪያ፣ ለሲቪል መብቶች የፌደራል የሕዝብ ማመላለሻ አስተዳደር ጽሕፈት ቤት የማቅረብ እድል አማራጭ ደግሞ ይኖርዎታል፡

• በመስመር ላይ highways.dot.gov/civil-rights/title-vi-complaint 
• በድምጽ: (202) 366-0693 ወይም 1 (888) 446-4511
• ኢሜይል:- FHWA.TitleVIcomplaints@dot.gov
• ደብዳቤ:-
  
  • ፌዴራል የአውራ ጐዳና አስተዳደር
    የዩናይትድ ስቴትስ የመጓጓዣ መምሪያ
    የሲቪል መብቶች ጽሕፈት ቤት
    1200 New Jersey Avenue, SE
    8th Floor E81-105
    Washington, DC 20590

እኛ እምንሰራው 

የሲያትል ከተማ የሚከተሉትን አገልግሎቶች ይሰጣል:- 

ፍትሃዊ እኩልነት ተደራሽነት። በሁሉም ፕሮግራሞቻችን፣ አገልግሎቶቻችን፣ እና ኮንትራቶቻችን ውስጥ አድልዎ መከላከል። 

• ኢሜይል:- discrimination@seattle.gov
• በድምጽ:- (206) 684-4500፣ TTY: 7-1-1 

የአካል ጉዳተኝነት መዳረሻ። አካል ጉዳተኝነት ያላቸው ፕሮግራሞቻችንን፣ አገልግሎቶቻችንን እና እንቅስቃሴዎቻችንን ማግኘት/ መድረስ እና ተጠቃሚ መሆን እንደሚችሉ ያረጋግጡ። 

• ኢሜይል: adacoordinator@seattle.gov 
• በድምጽ:- (206) 684-2489፣ TTY፡ 7-1-1 

የቋንቋ መዳረሻ። እርስዎ በመረጡት ቋንቋ መረጃ እና አገልግሎቶችን ማቅረብ። 

• ኢሜይል:- IMR_LanguageAccess@seattle.gov 
• በድምጽ: (206) 727-8515፣ TTY፡ 7-1-1 

የተፈጥሮ አካባቢ ፍትህ። በተፈጥሮ አካባቢያዊ ኢፍትሃዊነት እጅግ በጣም ለተጎዱ ማህበረሰቦች ጤናን፣ የተፈጥሮ አካባቢን፣ ማህበራዊ እና ኢኮኖሚያዊ ውጤቶችን ማሻሻል።

• ኢሜይል:- OSE@seattle.gov
• በድምጽ:- (206) 256-5158፣ TTY፡ 7-1-1 

ኮንትራት የመስጠት ፍትሃዊ እኩልነት። ከሴቶች እና በቁጥር ዝቅ ያሉ ክፍሎች-ባለቤትነት ያላቸው ንግዶች (WMBE) ጋር ኮንትራት እና ግዢን ማሳደግ። 

• በድምጽ:- (206) 514-1608፣ TTY: 7-1-1 

የመጓጓዣ እኩልነት። በዘር ፍትሃዊ እኩል እና ማህበራዊ ፍትሃዊ የሆነ የመጓጓዣ ስርዓት ለማዳበር ከማህበረሰቦች ጋር መተባበር።

• ኢሜይል: DOT_TitleVI@seattle.gov 
• በድምጽ:- (206) 640-3313፣ TTY: 7-1-1