កាត់បន្ថយវិក្កយបត្រការប្រើប្រាស់ទឹកភ្លើងរបស់អ្នក

• បើកគណនី Seattle City Light ឬ Seattle Public Utilities ដោយប្រើឈ្មោះរបស់អ្នក
• រស់នៅផ្ទះមានអាសយដ្ឋានជាលំនៅឋាន (អតិថិជនអាជីវកម្មមិនមានលក្ខណៈសម្បត្តិគ្រប់គ្រាន់ទេ)
• ចំណូលគ្រួសារសរុបរបស់អ្នកស្ថិតក្នុងតម្រូវការរបស់កម្មវិធី

និយមន័យនៃចំណូល

• ចំណូលគ្រួសារ (មុនបង់ពន្ធ)៖ ចំណូលសរុបសម្រាប់មនុស្សគ្រប់គ្នានៅក្នុងផ្ទះរបស់អ្នក មុនពេលកាត់ពន្ធ។
• ទំហំគ្រួសារ៖ មនុស្សគ្រប់គ្នាដែលរស់នៅជាមួយអ្នក (សមាជិកគ្រួសារ មិត្តរួមបន្ទប់ និងអ្នកដទៃទៀត) មិនថាពួកគេមានទំនាក់ទំនងគ្រួសារជាមួយអ្នកឬអត់នោះទេ។

គោលការណ៍ណែនាំអំពីចំណូលឆ្នាំ 2026

កម្មវិធីបញ្ចុះតម្លៃប្រើប្រាស់ទឹកភ្លើង

ការបញ្ចុះតម្លៃប្រចាំខែជាបន្តបន្ទាប់សម្រាប់វិក្កយបត្រអគ្គិសនី និងទឹក។

ជំនួយបង់វិក្កយបត្របន្ទាន់ និងកម្មវិធីជំនួយបន្ទាន់

ជំនួយសម្រាប់វិក្កយបត្រអគ្គិសនី និងទឹករបស់អ្នក។

Project Share

ជំនួយបន្ថែមសម្រាប់វិក្កយបត្រអគ្គិសនី។

តម្រូវការប្រាក់ចំណូលត្រូវបានធ្វើបច្ចុប្បន្នភាពជារៀងរាល់ឆ្នាំ។

តើអ្នកមានលក្ខណៈសម្បត្តិគ្រប់គ្រាន់ដែរឬទេ? ដាក់ពាក្យឥឡូវនេះ ដើម្បីទទួលបានជំនួយប្រើប្រាស់ទឹកភ្លើង។

ការដាក់ពាក្យតែមួយ អនុញ្ញាតឱ្យអ្នកដាក់ពាក្យសម្រាប់កម្មវិធីជាច្រើន។

• ដាក់ពាក្យតាមអនឡាញ (មានជាច្រើនភាសា)
• ទាញយកទម្រង់ពាក្យសុំជាក្រដាស (PDF) ហើយដាក់តាមប្រៃសណីយ៍ ទូរសារ ឬអ៊ីមែល។
• សូមទៅកាន់នាយកដ្ឋានសេវាមនុស្ស (Human Services Department) - អគារកណ្តាល (Central Building) នៅ 810 3rd Ave, Suite 440, Seattle, WA 98104
  (ថ្ងៃច័ន្ទ ដល់ ថ្ងៃសុក្រ ម៉ោង 8 ដល់ ម៉ោង 10 ព្រឹក និងម៉ោង 12 ថ្ងៃត្រង់ ដល់ ម៉ោង 2 រសៀល)។ មានសេវាបកប្រែដោយមិនគិតថ្លៃ។

បញ្ជាក់ព័ត៌មានគណនីរបស់អ្នក

• ពិនិត្យមើលថាឈ្មោះរបស់អ្នកមានកលើវិក្កយបត្រប្រើប្រាស់ទឹកភ្លើងឬទេ។ ប្រសិនបើមិនមានទេ សូមសុំឱ្យម្ចាស់គណនីឱ្យដាក់ពាក្យ។
• ស្វែងរកលេខគណនីរបស់អ្នក៖
  
  • នៅលើវិក្កយបត្ររបស់អ្នក
  • នៅលើ គេហទំព័រ My Utility Services
  • ឬដោយទូរស័ព្ទមកលេខ (206) 684-3000 (ថ្ងៃច័ន្ទ ដល់ ថ្ងៃសុក្រ ម៉ោង 7:30 ព្រឹក ដល់ ម៉ោង 6 ល្ងាច។)

ប្រមូលឯកសាររបស់អ្នក

• អត្តសញ្ញាណប័ណ្ណដែលមានរូបថតសម្រាប់មនុស្សពេញវ័យទាំងអស់នៅក្នុងគ្រួសាររបស់អ្នក (ចាប់ពីអាយុ 18 ឆ្នាំឡើងទៅ)
• ឯកសារចំណូលសម្រាប់មនុស្សពេញវ័យទាំងអស់ដែលមានអាយុ 18 ឆ្នាំឡើងទៅ
  
  • តើអ្នកទទួលបាន SNAP មែនទេ? ប្រសិនបើឈ្មោះរបស់អ្នកមាននៅលើវិក្កយបត្រ City Light ហើយអ្នកទទួលបាន SNAP អ្នកគ្រាន់តែត្រូវការផ្តល់លិខិតផ្តល់ដំណឹងពីការទទួលជំនួយពី DSHS របស់អ្នកប៉ុណ្ណោះ។ មិនចាំបាច់មានឯកសារចំណូលផ្សេងទៀតដើម្បីដាក់ពាក្យនោះទេ។

អ្នកអាចស្កេន ចម្លង បោះពុម្ព ឬផ្ញើទូរសារឯកសាររបស់អ្នកដោយឥតគិតថ្លៃនៅ៖

• Downtown Utility Services Counters
• មជ្ឈមណ្ឌលសេវាអតិថិជន (Customer Services Centers) (Ballard, Central, Lake City, Southeast, Southwest, University District)
• Seattle Public Library
• King County Library

សូមផ្តល់អត្តសញ្ញាណប័ណ្ណដែលមានរូបថតសម្រាប់មនុស្សពេញវ័យទាំងអស់នៅក្នុងគ្រួសាររបស់អ្នក (ចាប់ពីអាយុ 18 ឆ្នាំឡើងទៅ) ជាមួយនឹងពាក្យសុំរបស់អ្នក។

ទម្រង់អត្តសញ្ញាណប័ណ្ណមានរូបថតដែលត្រូវបានទទួលយក រួមមាន៖

• ប័ណ្ណបើកបរ ឬអត្តសញ្ញាណប័ណ្ណរបស់រដ្ឋ
• លិខិតឆ្លងដែន
• អត្តសញ្ញាណប័ណ្ណយោធាអាមេរិក
• អត្តសញ្ញាណប័ណ្ណជនជាតិដើមភាគតិច
• ប័ណ្ណស្នាក់នៅអចិន្ត្រៃយ៍

អ្នកគ្រាន់តែត្រូវការផ្តល់ច្បាប់ចម្លងនៃផ្នែកខាងមុខនៃអត្តសញ្ញាណប័ណ្ណ ឬទំព័រដែលមានរូបថតនៃលិខិតឆ្លងដែនប៉ុណ្ណោះ។ យើងទទួលយកអត្តសញ្ញាណប័ណ្ណដែលផុតកំណត់ក្នុងរយៈពេលមួយឆ្នាំចុងក្រោយនេះ។